Ծառայությունից օգտվելու համար անհրաժեշտ է ունենալ թվային նույնականացում
Ի՞նչ է «ԵսԵմ» հարթակը, և ինչպե՞ս մուտք գործել
Ծառայության մասին
Ծառայությունն ապահովում է սահմանափակ պատասխանատվությամբ ընկերության գործադիր մարմնի ղեկավարի, կամ մասնակցի կողմից առցանց եղանակով ընկերության տվյալների փոփոխության գրանցումը: Գրանցումը կատարվում է համակարգի կողմից տրամադրվող ձևանմուշներով, կամ ընկերության կողմից ներկայացվող տարբերակներով:
Ծառայությունն առցանց մատուցվում է բացառապես ՀՀ քաղաքացի, ֆիզիկական անձ մասնակիցներ և գործադիր մարմնի ղեկավար ունեցող ընկերություններին: Ծառայության ընթացքում հնարավոր է կատարել՝
Ընկերության անվանման փոփոխություն
Ընկերության անվանման փոփոխությունը կատարվում է մասնակիցների որոշման հիման վրա։ Փոփոխությունն իրականացնելիս կարող եք օգտվել ինչպես համակարգի ձևանմուշներից, այնպես էլ Ձեր կողմից ներկայացված փաստաթղթերից։
Կանոնադրության փոփոխություն կամ լրացում
Կանոնադրության փոփոխությունը կամ լրացումն իրականացվում է ինչպես համակարգի կողմից տրամադրվող ձևանմուշներով, այնպես էլ Ձեր կողմից ներկայացված տարբերակներով։
Իրավաբանական հասցեի փոփոխություն
Իրավաբանական հասցեի փոփոխությունը կատարվում է մասնակիցների որոշման հիման վրա։ Փոփոխությունն իրականացնելիս կարող եք օգտվել ինչպես համակարգի ձևանմուշներից, այնպես էլ Ձեր կողմից ներկայացված փաստաթղթերից։
Կոնտակտային տվյալների փոփոխություն
Ընկերության կոնտակտային տվյալների փոփոխությունը կատարվում է գործադիր մարմնի ղեկավարի դիմումի հիման վրա։
Գործադիր մարմնի ղեկավարի փոփոխություն
Գործադիր մարմնի ղեկավարի փոփոխությունը կատարվում է մասնակիցների որոշման հիման վրա։ Փոփոխությունն իրականացնելիս կարող եք օգտվել ինչպես համակարգի ձևանմուշներից, այնպես էլ Ձեր կողմից ներկայացված փաստաթղթերից։
Գործադիր մարմնի ղեկավարի և/կամ մասնակիցների տվյալների փոփոխություն
Գործադիր մարմնի ղեկավարի և/կամ մասնակիցների տվյալների փոփոխությունը կատարվում է գործադիր մարմնի ղեկավարի դիմումի հիման վրա։
Ձևաթղթեր
Հաճախ տրվող հարցեր
Ի՞նչ տեղեկությունների փոփոխություններն են ենթակա պետական գրանցման (հաշվառման)
Բոլոր այն փոփոխությունները, որոնք ներառված են ընկերության կանոնադրության մեջ կամ գրանցված են պետական միասնական գրանցամատյանում, պետք է թարմացվեն։ Դրանք են՝ Անվանման փոփոխություն (օրինակ՝ ֆիրմային անվանման փոխում)
-
Գտնվելու վայրի (իրավաբանական հասցեի) փոփոխություն
-
Գործադիր մարմնի (տնօրենի) փոփոխություն կամ անձնագրային տվյալների փոփոխություն
-
Մասնակիցների (հիմնադիրների) կազմի փոփոխություն (բաժնեմասի առուվաճառք, նվիրատվություն, ժառանգում կամ նոր մասնակցի մուտք)
-
Կանոնադրական կապիտալի փոփոխություն (ավելացում կամ նվազեցում)
-
Կանոնադրության փոփոխություն (նոր խմբագրությամբ կանոնադրության հաստատում)
Ի՞նչ փաստաթղթեր են անհրաժեշտ սովորաբար:
Մասնակիցների ընդհանուր ժողովի արձանագրություն (կամ Միակ մասնակցի որոշում)՝ փոփոխություններ կատարելու մասին:
-
Կանոնադրության փոփոխությունները կամ կանոնադրությունը նոր խմբագրությամբ:
-
Պետական տուրքի վճարման անդորրագիր (գանձվում է ըստ «Պետական տուրքի մասին» ՀՀ օրենքի, որոշ փոփոխությունների դեպքում, օրինակ՝ տնօրենի փոփոխություն, տուրք չի սահմանվում, իսկ անվանման կամ կանոնադրության փոփոխության համար այն կարող է կազմել 5,000-10,000 ՀՀ դրամ):
-
Լիազորագիր, եթե գործընթացն իրականացնում է լիազորված անձը, այլ ոչ թե ընկերության գործադիր մարմինը (տնօրենը):