Անհատ ձեռնարկատիրոջ հաշվառում

Առցանց դիմումը ներկայացնելուց անմիջապես հետո Ձեր էլ. փոստին կառաքվի անհատ ձեռնարկատիրոջ հաշվառման քաղվածքը։ Իսկ իրավաբանական անձանց պետական ռեգիստր այցելության դեպքում, այն իրականացվում է տեղում սպասարկման օպերատորի կողմից:

Անհատ ձեռնարկատիրոջ (ԱՁ) պետական հաշվառումը Հայաստանի Հանրապետությունում կատարվում է անժամկետ։ Սա նշանակում է, որ հաշվառման վկայականը կամ գրանցումը չունի գործողության ֆիքսված վերջնաժամկետ և մնում է ուժի մեջ, քանի դեռ դուք չեք որոշել դադարեցնել Ձեր գործունեությունը և դիմել գրանցումը լուծարելու համար։

Որպես անհատ ձեռնարկատեր հաշվառվելու համար անհրաժեշտ է ունենալ «ԵսԵմ» նունականացում կամ նույնականացման քարտ և նույնականացման քարտ ընթերցող սարք։

Ստորև ներկայացված քայլերն անհրաժեշտ է կատարել «Դիմել առցանցլ» կոճակը սեղմելուց հետո.

● «ԵսԵմ» նույնականացում անցնելու համար ընտրել «Բջջային նույնականացման քարտ» մուտքի տարբերակը,

● անցնել «ԵսԵմ» նույնականացում,

● «Անձնագրային տվյալներ» էջում ընտրել ինքնաշխատ եղանակով ցուցադրված անձնագրերից մեկը (խորհուրդ է տրվում ընտրել այն անձնագիրը կամ նույնականացման քարտը, որն ունի ամենաերկար վավերականության ժամկետը),

● «Հաշվառման հասցե» էջում ընտրել համակարգի կողմից ինքնաշխատ եղանակ ցուցադրված հաշվառման հասցեն, այնուհետև ընտրել փոստային դասիչը,

● «Գործունեության տեսակը» դաշտում ընտրել նախընտրելի գործունեության տեսակը,

● Հաջորդ էջում ստուգել ներկայացված տվյալները և սեղմել «Հանձնել դիմում» կաճակը,

● դիմումը հանձնելուց և ստորագրելուց առաջ տալ համաձայնություն կեղծ տեղեկություններ չներկայացնելու և ծանուցման եղանակներին համաձայնելու մասին,

● հաջորդ էջում սեղմել «Ստորագրել» կոճակը,

● դիմումը ստորագրելուց հետո սեղմել «Վերադառնալ» կոճակը, այնուհետև՝ «Հանձնել» կոճակը։

Մեկ րոպեի ընթացքում կիրականացվի ԱՁ պետական հաշվառումը, «Իմ հայտերը» բաժնում կտեսնեք ԱՁ հաշվառման պետական միասնական գրանցամատյանից քաղվածքը, ինչպես նաև ծանուցման տեսքով կստանաք այն Ձեր էլ․ փոստի հասցեին։

Տնտեսական գործունեության տեսակի դասակարգիչը (Հայաստանում՝ ՏԳՏԴ) փաստաթուղթ է, որը սահմանում է երկրի (կոնկրետ դեպքում՝ Հայաստանի Հանրապետության) տնտեսական գործունեության բոլոր տեսակների անվանումները՝ համապատասխան կոդերով։ Այն միասնական համակարգ է, որը թույլ է տալիս դասակարգել և կոդավորել տնտեսության տարբեր ոլորտները։

ՏԳՏԴ-ն նախատեսված է հիմնականում վիճակագրական և հաշվապահական/հարկային նպատակներով։ Այն ապահովում է՝

• Տվյալների միասնականություն և համեմատելիություն. Տնտեսական գործունեության մասին տվյալների հավաքագրում և մշակում՝ ինչպես ազգային, այնպես էլ միջազգային մակարդակներում համեմատական վերլուծությունների համար։
• Ձեռնարկությունների գրանցում. Թույլ է տալիս գրանցել և հաշվառել կազմակերպությունները և անհատ ձեռնարկատերերին՝ ըստ իրենց հիմնական գործունեության տեսակի։
• Տնտեսական քաղաքականության մշակում. Օգտագործվում է տնտեսության կառուցվածքը վերլուծելու և պետական կարգավորման ծրագրեր մշակելու համար։