Կուսակցության գրանցում

Կուսակցությունը պետական գրանցման համար պետք է դիմումով դիմի ՀՀ արդարադատության նախարարության իրավաբանական անձանց պետական ռեգիստրի գործակալություն՝ ներկայացնելով հետևյալ փաստաթղթերը.

Կուսակցության պետական գրանցման համար անհրաժեշտ է դիմել ՀՀ արդարադատության նախարարության իրավաբանական անձանց պետական ռեգիստրի գործակալություն։ Պետական գրանցման նպատակով կուսակցությունը պետական ռեգիստրի գործակալություն է ներկայացնում.

1) պետական գրանցման մասին դիմում՝ ստորագրված կուսակցության մշտապես գործող ղեկավար մարմնի անդամների կողմից` նրանցից յուրաքանչյուրի անձնագրային տվյալների և հաշվառման հասցեի նշումով.

2) պետական գրանցման համար պետական տուրքի վճարումը հավաստող փաստաթուղթ (50000 ՀՀ դրամ՝ 900005160727 հաշվեհամարին).

3) հիմնադիր համագումարի արձանագրությունը, ինչպես նաև կուսակցության հիմնադրման, մշտապես գործող ղեկավար և վերահսկողություն իրականացնող մարմինների ընտրության, կանոնադրության հաստատման ու ծրագրային փաստաթղթերի ընդունման, պետական գրանցման համար անձին (անձանց) լիազորելու մասին որոշումները․

4) կուսակցության կանոնադրության առնվազն երկու օրինակ.

5) կուսակցության խնդիրներն ու նպատակներն արտացոլող ծրագրի առնվազն երկու օրինակ.

6) հիմնադիր համագումարում կուսակցության ստեղծման մասին որոշմանը կողմ քվեարկած հիմնադիրների անունները, ազգանունները, անձնագրերի պատճենները, ստորագրությունները.

7) կուսակցության ղեկավար մարմինների կազմի մասին տեղեկություններ (անուն, ազգանուն, անձնագրային տվյալներ, բնակության վայր).

8) կուսակցության մշտապես գործող ղեկավար մարմնի գտնվելու վայրի մասին տեղեկանք.

9) առկայության դեպքում՝ տեղեկատվություն կուսակցության տարածքային ստորաբաժանումների վերաբերյալ:

Դիմումը և անհրաժեշտ փաստաթղթերը ներկայացնելու դեպքում պետական ռեգիստրի

գործակալությունը մեկամսյա ժամկետում գրանցում է կուսակցությունը կամ «Կուսակցությունների մասին» ՀՀ սահմանադրական օրենքով սահմանված հիմքերի առկայության դեպքում վերադարձնում է պետական գրանցման դիմումը կամ մերժում է կուսակցության պետական գրանցումը: